選秀節目《冤枉新秀訓練營》上集 Stage 3 的「戲劇對決」已進行了《不日成婚》、《聖荷西謀殺案》及《我的筍盤男友》三個劇目演出，三組表現被三位星級評判包括毛舜筠、彭秀慧（KP）及陳詠燊（Sunny）評為好壞參半，今集來到最後兩組，表演的劇目是《前度》及《証人》。Polly、子然、Racy 及 Tachi 演繹《前度》劇目後，先由毛姐點評，她坦言最喜歡 Polly，演出清楚有層次，「我想講吓 Tachi，你知唔知你好似黃百鳴呀？」引來全場大笑。Sunny 隨即說道：「毛姐講就真係有說服力呀。」接着 Sunny 亦直言十分喜歡 Polly 的「傳說中的港女演法」，KP表示頭半 part 不想看到子然演出，除了不入戲，「你仲有一啲不必要 distract 咗我嘅手勢。」最後一個劇目《証人》則由 JJ 及阿德演繹，毛姐直言這是一個失敗的演出，「我頭先一句都聽唔到你哋講對白，我淨係睇到有兩個人好大聲講嘢、行嚟行去，但係聽唔到你哋講乜嘢，咁樣係一個好失敗嘅演出。」Sunny 亦和議，「淨係聽到聲嘶力竭，我聽唔到威嚴。但尷尬嘅係我發現阿德做 hea 係幾好睇喎，但一企起身嗰吓拍第一下枱，就穿咗崩姐手姐腳。」KP 表明對阿德第一段印象差，「我覺得你 hea、直頭好似『老臨』企喺度咁樣。」完成五部劇目，三位評判退庭商議要淘汰哪三個學員及「最佳表現獎」得主。三位評判一致通過 Polly 為「最佳表現獎」得主，而兩名淘汰學員名單亦爽快地作出決定，但對於最後一名淘汰者，三人都拿不定主意，Sunny 提出 Tachi 是候選之一，但又疑問是否因為角色限制而未能有所表現，毛姐亦謂：「其實佢呢一 part 嘅戲係唔係幾公平。因為『黃百鳴』係好蝕底，直程唔記得佢做乜嘢，同埋做咗個『老臨』出嚟，令到佢變咗『黃百鳴』。」KP 亦同意未看清 Tachi 的演繹，而子然是在她的淘汰名單中。最後三人決定讓子然及 Tachi 來一個即興劇目演出，表現好留低，相反會被淘汰。即興故事《大佬的愛》由 Sunny 提供，子然及 Tachi 分別飾演哥哥及弟弟，是一個弟弟勾哥哥義嫂的情境劇。表演過後，終於揭曉最後的淘汰名單，首兩名分別是 Elka 及 Racy，宣佈最後一名淘汰者前，子然及 Tachi 走到台前，毛姐說：「頭先我哋喺入面都好緊張，爭持得好激烈。知唔知點解？因為呢度係一人一票，一個揀咗你（子然）、一個揀咗你（Tachi）。但我睇完你兩個嘅演出，其實我一入去我就話：『我兩個都要！』所以而家個結局就係兩個都可以留低！」結果十分驚喜。而餘下學員將會進入十一強環節。