The Next 20 張敬軒演唱會來到第五晚，軒仔請來衛蘭任嘉賓，當《心亂如麻》一曲響起，全場狂歡呼，到Janice 升上來，開口之後靚聲到爆炸又令觀眾再次起哄，而Janice 見大家這麼熱情，也開心到忍不住笑出來。 兩人合唱《心亂如麻》後，Janice 話 : 「好開心呀，終於可以同你唱歌」軒仔回應，「我都係，終於可以請到你做嘉賓啦！」繼而軒仔問janice 聽唔聽得明廣東話，Janice 點頭話, 「ok。」軒仔於是就介紹她為圈中神交形朋友，「係圈中朋友分好多種，Janice就屬於神交形....」Janice 聽到神交兩個字，一臉迷惘，反問軒仔咩神交，又話，「哦，...眼神..」 ，令觀眾大笑。Jancie 表示入行前同妹妹一次經過商場，見到軒仔在辦小型騷，揮手向軒仔打招呼時，他竟然有回應hello ，令她覺得他很 nice。 軒仔笑言自己年紀同Janice差不多，反問她，見到佢時幾細個？Janice 就笑答，「總之細過你啦！」被塞回的軒仔，想認後生都唔可以，又引來觀眾大笑。