今年的樂壇新人黎展峯（Andy）早前已推出首支派台作品《跳》，最近又跟同公司的師姐泳兒（Vincy）及同是年新人的黃明德（Dark）及洪助昇（Aiden）行山。動作多多的他「跳」完「行」完後，今次就玩「跑」，跟自己的大學教練及同學齊齊跑山，挑戰跑山四十五公里，不過原來Andy從來未試過完成超過三十公里的路程，所以今次他定下「不抽筋、完成到」為目標。於大學修讀運動的Andy表示出現這個挑戰，完全是因為疫情。一向喜愛球類運動的他，因為疫情期間球場被封，在朋友介紹下開始跑步跑山，一跑便愛上，更跑過不同的路線，「大概一個月行一次，去到一個位我就同朋友講：『不如我哋試吓挑戰再長距離啲？』所以就有咗今次嘅挑戰。」Andy一行七人上午九時由山頂廣場出發，終點是大浪灣，到晚上接近八時才完成整過行程，跑足十一個小時，全日只吃了香蕉、麵包，「去到中段兩、三點的時候，我哋有去到補給站，我買咗啲麵包、香蕉，呢啲都係比較快攝取到能量的食物。」Andy表示最辛苦是第五段，即是由上渣甸山、上畢拿山段路，「雖然呢段路係港島徑中最短嘅一段，但係上落最誇張嘅一段，上上落落加埋應該差唔多有一千米，辛苦程度係不斷上山，大髀係瘋狂有好多乳酸，上到後段嘅時候要靠兩隻手去㩒住大髀咁樣上去，上到最高點要即刻休息。」Andy坦言中途有想過放棄，「第一，因為我喺跑前一日拗柴，有諗過唔好死頂，因為可能之後會有後患，或者會令到隻腳更加唔舒服；同埋跑呢個路線中途，有好多分叉位，有好多可以離開嘅路段，真係一個好大嘅誘惑，每一次經過嘅時候都要提醒自己：『唔得！我一定要堅持到終點！』」