TWINS SPIRIT演唱會，昨晚來到第12場，未終極加場之前，呢日本來係尾場，所以昨晚TWINS也很公平，用尾場的力去答謝搶到這場飛的觀眾。 並且帶給大家一個非常意外大驚喜，設定沒有嘉賓的演唱會，請來了特別嘉賓關智斌(Kenny) ，安歌時當TWINS提到Kenny，全個紅館已經被叫聲炸裂，根本連台上講咩都聽唔到，超級誇張。 昨晚安歌一輪後，阿SA(蔡卓妍)跟觀眾說，「以往我哋每晚安歌的經驗，有一首歌一講個名紅館就地震咁。有份唱呢首歌個人，今晚都嚟咗呀！」 語畢紅館即刻叫聲歡呼聲炸裂一樣，接住TWINS台上講什麼也聽不到，十分誇張，阿SA即起哄帶觀眾大叫「關智斌！關智斌！」而 Kenny就由第一行觀眾直接跳上台，「大家好嘛！我把聲沙沙哋呀！大家ok嘛？」阿SA:「唔緊要啦，你係唔會聽到自己唱乜㗎，因為佢哋(現場觀眾)好大聲㗎！佢哋每晚郁都好似要『鍊』贏我哋㗎！哈哈！」阿嬌: 「你係我哋第一個嘉賓呀。我哋今次演唱會係冇嘉賓㗎！」全場又狂歡呼;Kenny: 「 我可唔可以扮轉上嚟呀？比我感受下真正嘉賓待遇，再得到大家歡呼聲！」然後Kenny就踎係到扮自轉上台，非常搞笑，觀眾亦同步叫到震裂給他感受歡呼。阿SA笑道，「做我哋朋友真係同我哋一樣咁無聊㗎，哈哈哈。」接著三人一同演繹了《死性不改》，全場萬人跟著大合唱，歡樂無窮。 演唱完之後Kenny表示非常感謝大家比這個機會他上來演唱，在TWINS演唱會的歌迷特別年青，全部都Natural High，阿嬌: 「我哋咪長生不老藥囉！係咪覺得回春咗？大家唱多啲我哋啲歌就好young㗎啦！佢哋每晚你段片出嚟都大合唱你嗰首《LALA世界》呀！」接著觀眾即刻興奮起哄，而台下MANI更大叫Kenny表現側手翻，Kenny:「側手翻？真係？一陣先啦！哈哈哈....」 當觀眾以為他不會打側手翻時，唱到一半《LALA世界》，Kenny就連打三個單手側手翻，紅館即時歡呼似地震一樣。 TWINS SPIRIT演唱會共14場，眨眼就只剩下兩場演出，阿SA阿嬌昨晚於台上都表示開始不捨得了，雖然很累，但已經開始有演唱會後遺症，阿嬌更話因為晚上不停翻睇自己演出的片段太開心訓唔著，「我依家好鐘意開演唱會呀。」阿SA : 「咁不如我哋第日再開一個side tracks演唱會啦，我發覺我哋好多歌，佢哋晚晚點，SIDE到唔SIDE都識唱，根本就唔係side tracks都係HIT歌，哈哈。」歌迷即報以歡呼，大叫: 好呀好呀。