拍攝微電影 羅力威許靖韻獻出螢幕初吻

英皇娛樂近日拍攝嘅微電影「歲月如歌」,今日於錄音室拍攝殺科戲。英皇娛樂為力捧新人許靖韻Angela,除咗斥資百萬,出動民航機及酒店外,更揾埋公司其他師兄師姐連日拍攝,仲有李家仁醫客串一角。拍攝期間,仲爆出好多笑話,好似有一場講述Angela要錫明戀咗佢好耐嘅羅力威,怕醜嘅羅力威就NG咗7次,令到Angela錫都錫到攰。現場嘅工作人員都話羅力威都唔知係有心定係冇意。