古巨基前晚空降廣州舉行《Amazing World 巡迴演唱會 廣州站》

古巨基前晚空降廣州舉行《Amazing World 巡迴演唱會 廣州站》,基仔一出場即大跳大唱《年年有今日》,點知基仔跳得興起,一不小心扭傷腳,唯有忍痛繼續至完場為止。最厲害的是,基仔「拗柴」後更連續跳咗長達20分鐘的舞,但其仍然表現自然,睇到粉絲們都心痛。最後,基仔在Encore時才告知粉絲們自己「拗柴」一事,台下粉絲都大感愕然,但對於基仔的敬業表示敬佩,現時基仔亦已返港求醫。今次演唱會,基仔仲請來多年好友周慧敏(Vivian)擔任嘉賓獻唱,基仔仲以半跪形式迎接Vivian,恭賀其開設經理人公司。Vivian出場後更搞笑的話:「我哋依家成為割肉之交。」原來事緣基仔將助手「割愛」讓給Vivian當經理人,基仔曾表示除咗割愛,割肉于Vivian都得,認真夠曬朋友。另身為「玉女獎門人」的Vivian開新公司之外,仲要捧出新的玉女接班人,對此基仔笑言要生返個畀Vivian捧,但Vivian就笑言:「你依家生趕唔切喎!」基仔即打趣答:「我今晚就整個出嚟。」非常搞笑!隨後淨返Vivian於台上獨唱《最愛》等歌,除咗唱歌之外,認識基仔多年的Vivian仲大爆料:「基仔依家愛情、事業兩得意。」講到依到,粉絲們已經瘋狂起哄,攪到Vivian馬上在台上説:「避免繼續爆料,我都係唱歌好了。」