英皇.星夜奔「慈」活動

張致恆(Steven)昨日迎來29歲生日,Steven笑言由前晚的12點開始到朝早7點就不停收到朋友的祝賀信息,「都開心嘅,不過因為個電話不停咁震,都幾影響睡覺,哈哈!」對於如何慶祝,Steven就透露已經約咗朋友食飯,「而過2日就會同屋企人食飯,因為我哋屋企一定要齊曬人先會食飯。」 前日Steven的緋聞女友鍾舒漫(Sherman)表示會送上Steven樣的刺綉公仔給Steven當生日禮物,Steven即表示:「仲未收到呀,都係啱啱睇新聞先知。人樣,我覺得好驚訝,其實邊個送意義都一樣。」而Steven續言今年收到最為開心的禮物是一個粉絲以「張致恆」個名在樂施會領養了一個小朋友,「今日(昨日)我收到個小朋友寄來嘅生日卡,我覺得好開心好感動。我一直都想領養小朋友,但我又唔識呢啲(領養),同埋我又懶,但我粉絲做咗,我覺得好有意義。」 一直讓人覺得吊兒郎當的Steven被問到生日願望是什麼時,他很認真的話:「我想快啲結婚,我想快啲有家庭。之前係有對象,但我連自己都未照顧好,老闆同我講一句話我好記得,佢話「只要賺多錢,就會有美好家庭。」所以我覺得我不可以再懶,希望32歲結到婚。」還有3年時間的Steven意志高抑的表示要用三年時間努力賺錢,做到適合對象組織家庭。 Steven除咗同一大班朋友慶祝之外,他還在早上跑咗個10K馬拉松,「這個是我第一年的生日馬拉松,我希望可以挑戰自己,以前我跑馬拉松的心態都只是過咗就算,但今次我訂左個目標,希望55分鐘內完成,上年我用了1個鐘8分鐘。我今年快咗13分鐘,以54分45秒就跑完,好多朋友都好驚訝。我覺得好多事只要我唔懶,都可以做到。」另Steven又提到15號會參加「毅行者」慈善籌款活動,步行100公里,「希望可以挑戰自己,又可以呼籲多啲人籌款。」