張致恒完成100公里毅行者

張致恒(Steven)日前參加毅行者活動,在48個鐘頭內要走畢100公里,Steven直言在比賽中只睡了25分鐘,「其實我上年已經參加過,不過行咗43公里之後就中途放棄。我一向有跑馬拉松,以為好簡單,但原來好講意志。所以我哋叫咗朋友買定啲炒飯給我,因為澱粉質可以補充Energy。」 對於行100公里,Steven透露當中亦遇到不少困難,「行到80公里嘅時候已經好辛苦又無得瞓,隻腳又生咗水泡,我好驚好似個同事咁生水泡之後行不到,之後要去物理治療室。」Steven續言有一瞬間眼瞓到失去意識,「我知自己仲行緊在馬路,跟住踢到啲沙,如果不是我朋友叫醒我,我諗我會滾落山。之後就休息咗25分鐘,我朋友話我嘅鼻鼾聲大都人人都聽到。」 第一次走畢100公里的Steven直言非常感動,「我無想過我可以行曬100公里,我覺得係非常人先做到,異於常人。但原來我想做都可以做到。」Steven續言這一年他成功越過多個挑戰,好似2月所參加的渣打全馬、10號所參加的10K馬拉松,「這都證明我大個咗,要做嘅都做到。」 面對了多個挑戰,Steven笑言還希望在運動上,可以挑戰台灣的「環島遊」;至於工作上,Steven直言視劉青雲為目標,「佢係我最鍾意嘅男演員,既可以有幽默,又可以正經,我一直都好想同佢合作。」