黃秋生開影帝速成班

黃秋生近期為演協會長一事而大動肝火,不過日前秋生就暫時放鬆心情,走咗去深圳衛視參與一個叫做「年度秀」嘅綜藝節目。現場觀眾個個以為得陳法拉同國內幾位電視小生如蘇醒,韓棟,孫堅幾位。當秋生以「神秘嘉賓」現身之時,個個直頭企曬起身拍爛手掌,氹到佢不知幾開心。主持人見到難得秋生現身,就提議不如即場同幾位電視業界嘅花旦小生搞返個「影帝速成班」,佢就好謙虛話當大家傾下計啦。期間唔單止同現場觀眾有互動外,更即場叫法拉以及幾位國內小生演繹處境劇。見到法拉做嘅「招駙馬」時,話曬大家都係香港國業,秋生就大讚法拉有天份,專業又認真。當有位國內小生問到秋生關於演員心態,直言自己收到「太監」角色而有點兒接受不來時,秋生就繼續佢嘅敢言作風,「你係接受唔到自己咋係嘛?」引到大家拍爛手掌。秋生唔止即場評幾位演技,仲自彈自唱玩結他兼口琴show下自己嘅音樂才能。最搞笑係佢教大家朗誦,要求幾位小生用自己嘅方言例如山西話,湖南話去演繹,就大叫過癮兼地道,直呼「有味道」。