古巨基做周慧敏「哎吔經理人」

日前古巨基在中山舉行「致愛情時代演唱會」,反應非常熱烈,基仔除了大唱自己首本名曲外,特別加插了一個環節送給新婚的太太,仲當場宣佈明年會擺喜酒,叫觀眾記得做人情。 當基仔唱到鄭伊健「一生愛你一個」,他表示是老婆特別點唱,「佢仲叫我要留心歌詞!」唱完之後基仔都覺得肉麻到忍唔住打了一個冷震,仲話:「唔好意思,新婚嘅夫婦係咁㗎!」隨即再用韓文唱了首「來自星星的你」主題曲「my destiny」送俾老婆,狂曬幸福! 之後輪到嘉賓周慧敏出場,她一上台就恭喜基仔:「恭喜你今晚演唱會成功,同埋做咗人哋嘅老公!」「自從你同我經理人Lorraine 結婚後,我好似多咗個「哎吔經理人」,因為好多我嘅工作,你都會俾好多好好嘅意見,幫我唱片做監制,又幫我嘅MV 做導演,我真係好多謝你。」