為情海翻波的你服務 Jim Sir《陰功豬》祝箍煲成功

詹SIR首張專輯《Hea造主義》Heageology,繼首支派台歌《舞大舞細》讓大家跳餐飽,跳到頭岳岳之後,大家都期待緊隨的第二Plug又會是首怎樣的歌。結果詹SIR冇令大家失望,仲來個反高潮,竟然玩浪漫溫馨甜絲絲,以Sweet到爆的《陰功豬》同大家過2015年的情人節。的確冇想過詹SIR會走去唱情歌,而這個點子都是他自己度出來。「大家都在想,如果詹SIR有機會唱情歌,首情歌會是甚麼模樣?內容是否繼續我被你飛,我好慘,好想死咁呢?」天地宇宙銀河系我最慘的歌都有人唱過,鬥慘冇意思,所以詹SIR從另一態度入手︰認低威!話說詹SIR覺得無論你幾多歲第幾次拍拖,過程中都總會遇到小爭執,有時就是這些小爭執,一段大好恩緣就沒了,所以詹SIR決定製作一首箍煲歌俾大家旁身,萬一大時大節唔覺意激嬲另一半,都可以立即唱兩句,一於大事化小,小事化無。「歌中有段好警世的Rap,只要識這段Rap,你就能夠化險為夷。歌詞是這樣︰『哎呀陰功豬,我錫晒你,講聲BB豬我最愛你,見證愛這個世界靠晒你。』」首歌能夠助你一把就試過先知,但由於首歌唱得好輕聲,所以詹SIR全程要用氣聲去唱,唱到近乎斷氣,不過能夠做一首拯救滄生萬民的救命歌,辛苦點點都是值得的。QQ音樂:http://y.qq.com/#type=album&mid=001oY2aZ4CbMbQiTunes:https://itunes.apple.com/hk/album/yin-gong-zhu-ep/id964008499?uo=4&at=11l3MmMV:Youtube:https://www.youtube.com/watch?v=1gApv6J3KwAQQ音樂:http://v.qq.com/page/b/0/n/b0015db7ncn.html