羅力威進入純真禁區 化身為「六個小孩的歌手」

羅力威4月20日來到位於禁區內的打鼓嶺嶺英公立學校出席校園活動,與一班小學生彈彈琴、唱唱歌。羅力威一登場成班學生就興奮大叫:「我在電視見過他呀!」他們的熱情令阿威即時面紅,對住一班天真瀾漫的小朋友顯得不知所措。 席間,阿威首先表演自彈自唱流行歌曲,不過台下班小朋友就聽得一頭霧水,似乎未聽過係乜東東。阿威靈機一觸用自己擅長的鋼琴,彈出多首經典兒歌,仲叫台下的學生估歌仔,成班小朋友玩得好開心,仲聽到拍爛手掌! 之後,羅力威同大家來個真情對話,點知小朋友的問題真係估佢唔到,其中一位小學生就舉手發問:「你覺唔覺得自己老咗?」惹得哄堂大笑,主持人即時反問該名學生:「你覺得威威哥哥帥嗎?」對方一面童真回應到: 「還可以!」於是阿威就追問:「那誰是最帥?」小學生斬釘截鐵咁話:「我爸爸!」如此率真的反應都令大家感受到他們的天真,羅力威都坦言小朋友不做作的反應令自己感受好深,並會將此次禁區之行視為一次珍貴的體驗! 臨走時,六個小學女生嚷著要和“威威哥哥”合照,阿威被她們甜美的笑容融化,於是大家就在學校門前大合照,阿威頓時化身為「六個小孩的歌手」。