容祖兒 JOEY.MY SECRET.LIVE演唱會

容祖兒將於2017年3月26,29-31日,4月1、2、6-9 日,於演藝學院 歌劇院,舉行十場 JOEY.MY SECRET.LIVE演唱會。 演唱會一月十六日東亞銀行優先訂購,一月二十三日公開發售。 早前祖兒邀請了林海峰為其演唱會擔任海報創作總監,意想不到,第一次合作,就創下了最快影完一張海報的紀錄,埋位只是半小時就收工。 影相當日,祖兒為林海峰買了大量新衫,林海峰則為祖兒準備了大量不同品種鮮花,祖兒謂JAN 個人好神祕,一直不講想影什麼,連去到當日,他現場試的,也不是海報見到的東西。意想不到 JAN會用鮮花跟她混合在一起,呈現一個優雅高貴的畫面,當中只用了十分鐘時間,創了最快影完一張海報的紀錄,令她十分開心及滿意。祖兒就說,「最難忘係影影下,佢問我可唔可以大露背拍攝,於是第二張我係幾乎係冇乜著衫之下影 ,原來佢想將花同我個人混埋一齊。混合左之後又真係好靚呀。」 為了今次影相刻意去買了一堆新衫全部沒有用,她笑說,「試下拿去退囉!」JAN就話,「其實我一早諗定係咁,但好難一早同你講,有衫帶來我有多條退路嘛,萬一唔得都可以有衫影。你衫可以退,萬一我唔叫你帶衫,你退左我個人咁點算?」引得祖兒哈哈大笑。Jan 又謂今次其實好有難度,因為容祖兒什麼造形也幾乎試過,「佢比左個台圖我睇,同我講騷意念係一個自己私密花園,所以我就係得這兩條線索去破案。希望當事人覺得我個破案手法滿足到佢啦。」 這次演藝學院開騷,祖兒話其實已經期待左六年,「我出左六十幾張唱片,開過七次演唱會啦。每一次都有好多歌迷話,呢首又唔唱,個首又唔唱,六年前我已經好想開一個騷,唱一些自己好有感覺的歌,及一些大家好想聽我唱的滄海遺珠!2017年又正好係我入行十八年,時間上夾到可以做,就冇再諗咁多,即刻去籌備囉。可能係好多歌手立場,覺得我傻左呀?開細場做十場,等於一場紅館咁上下,但自己就要多出十倍力,但係我覺得唔同場有唔同感受,諗起都興奮,唯一少少擔心把聲會唔會太累,其他商業上考慮真係冇諗咁多,今次唔再鐵甲威龍咁上台,舒舒服服去近矩離同歌迷一齊嘆歌!」 暫開十場,估計1月23日公開發售,得一萬張飛,估計一開即時賣完,祖兒話最唔想係比黃牛買晒d飛,然後又要歌迷捱抄飛,「好想可以一張身份証只可以買兩張,但問過係唔得,所以我依家有一場係特別做比歌迷會。等佢地一定買到飛。至於其他冇入歌迷會歌迷,如果真係買唔到,就唔好幫襯黃牛啦,我寧願開騷見到d位吉左,都唔想聽到又話,炒貴幾百咁入場囉。」