張敬軒 首度披上畢業袍得到「法國北歐大學榮譽商管博士」

早前,張敬軒(軒仔)首度披上畢業袍得到「法國北歐大學榮譽商管博士」,獲頒人生首個博士頭銜,大學創辦人兼校長Professor Adlan Parsa 與及高級教學主任Professor Gary Robinson更遠道由法國來港頒授學位證書。 軒仔開心表示音樂是自己的一生摯親,由中學時期趁暑假去唱歌賺零用錢,到成為歌手再搖身一變做埋錄音室老闆,自覺十分幸運。軒仔:「當初爸爸出於現實考量,希望我選擇一條踏實的路,所以中學之後我所修讀的學科正與銀行業、會計及管理工商管理有關;但最後我還是決定給自己一個追夢的機會,投身樂壇,用五年時間去決定我的終身事業。」因為唔係人人都鍾意自己份工,能夠造到屬於自己的音樂,軒仔倍覺感恩。到後來開辦錄音室時,學過的知識即大派用場,張敬軒說:「我好相信,活出圓滿人生,係要不斷求突破、求進步。這幾年,我開始實踐一直以來的音樂夢想,就係開辦錄音室。由用家到自己投資、做老闆,睇嘅野真係好唔同,令我眼界大開。要特別感激我的團隊、一班戰友,我人生第一間錄音室在成立第二年後,就登上全球20大錄音室之一,而能夠被法國北歐大學商業管理系認同我的管理方法,我真係好開心,亦好感恩可以得到榮譽商管博士呢個名銜,坦白講我無諗過會有一日可以叫自己做「張博士」。」 場內,一班公司同事亦抽空到場分享及見証喜悅,更準備了蛋糕和鮮花祝賀「張博士」,軒仔笑指:「好開心公司各位兄弟姊妹今日到場,樂壇頒獎禮去得多,可以同班戰友經歷咁重要的一刻,份外有意義;我仲想特別多謝老闆楊受成博士,佢俾我有好大空間去拓展工作以外的追尋,同埋發展另一個人生。來緊我會繼續不斷突破自己,希望可以為樂壇、為歌迷帶來新既音樂體驗。」 *法國北歐大學作為一間私立高等教育學院,受到法國政府教育局及英國機構ASIC (Accreditation Service for International Schools, Colleges and Universities) 認可,其課程於2016年更被外國網站列入為十大最佳遙距博士學位課程,深受進修人仕歡迎。