容祖兒與粉絲BBQ 預祝生日

容祖兒(Joey)在剛過去的周日與近三百歌迷BBQ,為將在6月16日生日的她提早慶生,卻沒預到當日氣溫高達33度,祖兒笑言自己並不怕熱,不過活動中途一度有中暑感覺。祖兒說:「同Fans玩緊『超級無敵大電視』之際,我直頭覺得見暈又想嘔,唯有去冷氣房休息。」但當一班Fans怕祖兒累極不適,緊張到打算提早結束活動時,祖兒即刻嚇到彈起,自覺好失禮並謂:「大家咁辛苦曬住都留向到,合照又未影,淨係玩遊戲就走點得㗎!」而Fans們好窩心,為免偶像辛苦,主動提議分組影合照,祖兒萬分感動並分享道:「個個好似變晒阿媽上身,係咁叫我去休息,又提我要補充水分。雖然差點我就要中暑,但有時候就正正因為美中不足,先會更難忘。今次聚會絕對稱得上「火中送炭』,實在太熱,我應承大家下次生日會環境會凍啲。」 現場除準備了Miffy造型的生日蛋糕,還有切燒豬環節,祖兒興奮地表示:「切燒豬要由頭切到尾先係好意頭嘛。」所以堅持由自己落手切燒豬,又將乳豬頭與同事分享。講到生日願望,祖兒則心郁郁想一個人去旅行,因為有伴同行就會依賴,而一個人旅行想必會有不一樣的體驗呢!