Twins 戲院包場與粉絲舉行見面活動

一同欣賞新歌《失約》MV首播Twins日前在戲院包場與粉絲舉行見面活動,一同欣賞新歌《失約》MV首播。活動當日全場爆滿,有不少粉絲更提早一小時排隊等候。二人到場時,粉絲立刻送上熱情的歡呼聲,又大讚Twins好靚女,現場氣氛瞬間炒熱起來。Twins分享到:「今次算係《失約》MV全球首播,公司有同我地講報名人數相當熱烈,更有內地粉絲專程來港參加,大家心意我地收到哂。不過始終名額有限,未被選中的朋友就要等多一個星期,下星期派台時大家記得多多支持!」Twins 自言未試過於戲院睇MV,感覺超新奇,阿Sa說:「以往用手機定電視機睇MV都好,最多都係幾個人一齊睇,但第一次用戲院銀幕睇MV,人數多好多,你可以跟住情節推進睇到唔同人嘅反應,又或者知道邊部分情節大家會一齊笑,一齊喊,感覺真實好多。」阿嬌大表認同並謂:「希望未來日子有更多機會同大家一齊睇作品,因為知道大家即時反應都好重要。」二人又大賣廣告,叫粉絲留意6月22日除了有新歌《失約》派台,同日亦會推出新專輯《花約》,提大家唔好「失約」。適逢電影《原諒他77次》即將上眏,活動當日除了MV,粉絲們更有幸欣賞電影優先場。其中有粉絲表示早於電影節期間,已率先撲飛入場,但能與偶像同場睇戲實在機會難逢,心情興奮持續數天。問到電影同新歌MV可有關聯,阿Sa表示:「首歌係講一對情侶因失約而掀起種種餘波,同《原諒他77次》當中某些情況相似,所以就諗不如同大家一次過睇哂。」問二人可有試過拍拖時,因對方失約而鬧得不愉快,阿嬌就笑住話:「最緊要今日無粉絲失約,全部到齊好抵讚。」