鍾舒漫獲粉絲舉辦生日派對

昨日生日的鍾舒漫(Sherman),早前獲一班粉絲舉辦派對預祝生日,粉絲們更預備了一連串驚喜,希望給偶像一次難忘的回憶!當日半百粉絲一早到達並佈置場地,將Sherman歷來的照片鑲入相框,排列成心形掛上牆,Sherman大讚好有心思,嚷著要同每位粉絲在牆前合照。有粉絲則找來Sherman的朋友、同事拍片,當中包括洪卓立、許靖韻及江若琳等,向Sherman 送上生日祝福及分享心底話。現場還準備了有Sherman人像造型的生日蛋糕及DIY心意卡,向來喜歡手作的Sherman自然相當高興。Sherman都好識做,親切地與歌迷影相傾計,於大家熱情邀請下更讓粉絲點唱,因為大家不停喊encore,Sherman笑言自己做左咪霸。問到今年歌迷會成立10週年感受如何,Sherman分享道:「佢地話一心想整喊我,我怕一喊就收唔到聲,所以忍喊忍得好辛苦。有粉絲支持左我十年,話由我第一首派台歌,覺得機關槍式唱腔好煩而留意自己,到每逢唔開心會聽我唱歌,從而得到正能量,我聽到都好感動。」作為歌手,能夠得到歌迷的支持固然開心,但作品能感染別人,亦是Sherman成為歌手最大的滿足感。至於正日生日,Sherman則謂:「人越大生日反而想同屋企人過,本來諗住簡簡單單一家人食餐飯慶祝,但晚餐後原來妹妹為我搞左個神秘派對,叫左我一大班好朋友黎,都幾surprise。」至於又大一歲有冇俾屋企人催婚,Sherman就笑笑口話:「呢啲事催都無用架!」