鍾舒漫黑皮膚女生可能遇上的5種遭遇

昨晚鍾舒漫於社交網站分享了一段短片,片中Sherman提及大多數黑皮膚女生所遇到的尷尬狀況,例如化妝品唔啱色難以向旁人借、俾人誤會黑面無禮貌、拍照永遠剩低一棚牙、被以為係曬燈常客等等。她留言:「記得初入行時黑過包青天,你問有無人叫我去美白,當然有啦,有段時間我不知不覺放棄了自己黑的特色,但幸好最後我心眼開了,黑,不知幾正!」不少網民都留言話好有同感,仲勉勵Sherman只要棚牙夠白就一定有人見到佢。問到有無介意俾人話唔夠白,Sherman話雖然由細到大都有人談論自己膚色,但從未真正放上心,反而有次去關島拍攝旅遊節目,仲索性自備太陽油曬勻全身,令膚色更黑。Sherman又相信自己一身小麥膚色已經成為個人特色,而且有利於打造有性格的造型,所以無論膚色黑定白,只要有自信,就算憑一個眼神都可以好獨特,最後她補充:「學洪卓立話齋,唔係個心黑就得了。」