鍾舒漫與50人於中環街頭跳舞Busking

日前,歌手鍾舒漫 (Sherman)為宣傳其新歌《小碎步》,與50人於中環街頭跳舞Busking。Sherman表示以往少跳街舞,但今次難得自己、排舞師同公司不若異同有此諗法,大家可謂一拍即合。Sherman說: 「這次街舞表演,係要傳遞一種做自己的態度,無懼別人目光,帶着自己的節奏跳舞。」由籌備、排練到拍攝經過兩星期,Sherman每天心情期待又緊張,她說: 「緊張係因為成個活動有50人參與,大部分係學生,好怕佢哋受傷或者有閃失。」Sherman 又謂之前因天雨關係令活動被迫取消,都擔心改期再搞會唔夠人嚮應,所以當日現場見到一班支持自己的舞蹈員及學生,心裏非常感動。雖然活動當日有雨,卻無損氣氛,由Sherman領軍的表演吸引不少途人駐足圍觀,場面相當墟陷。問到今次跳舞busking會俾自己幾多分,Sherman笑說: 「如果問我有幾努力嘅話,絕對係100分,而成個活動表演就90分,淨翻10分係想謙虛啲。」再問到會唔會有下一次,Sherman說: 「我希望下次係聚集一班鍾意跳舞嘅歌手,大家可以做場騷或者battle,因為香港其實有好多歌手都跳得。」近日,Sherman練舞同時,亦已埋首錄音室密密錄新歌,新歌以李小龍的名言'Be Water My Friend !'為題材,亦是一首跳舞快歌。又要忙《小碎步》宣傳,又要準備新歌,Sherman直言:「日程真係非常爆,成日唔夠訓,但做自己鍾意做嘅事,忙之餘都心甘命抵。」