生日Fans送壯男手臂慰藉 陳凱彤:「都dry dry哋。」

早前在「阿SAM & 阿TAM HAPPY TOGETHER演唱會」上,與「歌神」許冠傑合唱兼錫錫的英皇歌手陳凱彤 (Lillian) 昨日(20日)二十四歲生日,日前她的fans包場為她慶生。生日會上,陳凱彤跟fans大玩遊戲,期間更用腳玩美式桌球,不過腳法就麻麻。一輪熱身後,fans們送上她喜愛的「Little Twin Star」蛋糕及禮物,其間有fans送上一條壯男手臂枕頭,Lillian話估佢唔到:「可能佢哋怕我dry啦,擔心我冇拖拍,我而家係single,都dry dry哋㗎,哈哈,有隻壯男手臂都幾好,一見到就諗起班fans。」生日前夕同fans過,正日就留俾屋企人,「我哋屋企嘅傳統係會一齊切蛋糕同食飯。」至於生日願望,Lillian就話:「有三個願望,第一希望我嘅音樂可以一路陪住大家;第二希望家人身體健康,因為近排屋企人身體唔係幾好,有啲擔心;最後一個願望唔講得,留番俾自己,哈哈。」