《李克勤慶祝成立三十週年演唱會》第2場 邀得鄺美雲獻出第一次

鄺美雲(Cally)戴逾20卡巨鑽耳環撐李克勤,第一次任個唱嘉賓,美人近二十年後重現紅館舞台,令觀眾驚喜連連,掌聲雷動。《李克勤慶祝成立三十週年演唱會》昨晚舉行第2場,老闆楊受成太太和盧淑儀(Emily),好友容祖兒和容媽媽、蔡少芬、蔡一傑、陳百祥和太太黃杏秀等均有到場支持。當晚克勤依然以一個利是封的全紅裝束迎接嘉賓,並指這位嘉賓是很珍貴和稀有度達到超高級別,因對方從沒為任何一個人的演唱會擔任過表演嘉賓,而這個人可說是李克勤家族成員之一,自己稱呼對方為家姐的,繼而以一曲《沒有你 贏了世界又如何》歡迎Cally;觀眾見到十多年未現身舞台的cally 都驚喜萬分,掌聲叫聲雷動,還有觀眾大叫「嘩!重係好靚女,靚過晒依家d港姐!」十分搞笑。而Cally真係超錫克勤這個細佬,肯為佢第一次上紅館做嘉賓,更加以全黑DIOR裙襯一對超過20卡的巨鑽耳環閃爆登場,連克勤見到佢升上來都禁不住說「嘩,好閃呀,閃到呢。。。。」全場大拍手掌,更勁拍呯呯捧熱烈歡迎。克勤對這位家姐照顧有加,擁抱致謝後,細心的拖著穿高跟鞋的Cally在台上跟觀眾打招呼。克勤爆料指私底下Cally跟自己唱K無數次,但在舞台上合唱卻是史上首次,又問觀眾Cally係咪好靚先?觀眾中就有人大叫 ,「好靚呀!靚過晒依家班港姐!」,十分搞笑。克勤透露好多人也不知Cally是他 「家姐」。 cally 話「係呀,好多人唔知我唱過歌添呀!哈哈哈。」原來二人緣起於1985年,當年克勤在十九區業餘歌唱比賽中奪冠,正是Cally擔任司儀,克勤指自此入行後,Cally經常塞錢入他的袋,指導他良多,看到他皮膚不好又會送護膚品,總之咩都送,笑言係爭在未送樓。久未踏上舞台的Cally就自言是「大鄉里」,除了錄音室,未試過上台用耳機;克勤細心為她整理耳機並笑謂,「以前也以為是耳聾才用的,用用下就慣 」又提議Cally可連耳機也釀鑽。做珠寶生意的Cally表示可送一個這樣的耳機給克勤,克勤鬼馬的食住上笑道:「好呀!緊係要喇!結婚你都乜都送,這個家姐真係無得頂!」克勤又反問為何Cally拍了短片支持他、最後導演話要刪走,Cally稱是自己叫刪,自爆道:「係有原因的,我個花名叫『狂左面』,我左邊面先最靚,咁支持你條短片拍唔到我左面,我咪話刪囉。哈哈。我亦要爆克勤和譚詠麟的料,其實我最怕同克勤、阿倫唱K,他們兩個是咪霸,真係等咪等到火都來,永遠唔放低俾人架!哈哈。不過我都明,佢兩個心中唱歌那團火真係勁到爆先會咁樣。」克勤即說當晚不敢跟Cally爭咪,讓Cally獨唱一曲,自己返入後台,Cally亦對這位細佬疼愛有加,即叮囑説:「你小心落呀,好多機關㗎,細佬。」繼而才唱出《堆積情感》,觀眾則趁機向她獻花。