鍾舒漫新歌《Be Water, My Friend》 7個景換7套衫,17 Dancers跳足17個鐘

李小龍名言中得靈感   MV集結歷年拍攝苦況由鍾舒漫 (Sherman) 主唱的《Be Water, My Friend》,歌名用上李小龍嘅哲學名句「Be water my friend」。歌詞方面,Sherman話係佢同陳詠謙分享心事後,承接住《小碎步》而寫嘅。Sherman︰「水係無論你點攻擊,都始終係水。而且水好靈活,就算隨住容器而改變形態,但本質仍然係水。李小龍所講嘅哲學,當你面對人生逆境時就體會到。(經歷左咩咁感觸?)入行都有10年,有迷失過,有試過不停質疑自己做緊嘅事,淨係形象都轉過好多次,到宜家總算揾到自己。」Sherman話︰「同王雙駿 (Carl叔叔) 合作簡直係天作之合,佢仲主動話要同我拍埋MV????!」不過呢位新晉導演好貪心,淨係取景就要求一日走7個景,仲要每個場景配一套衫,結果Dancers連同Sherman一行18人跳足17小時。對於密過旅行團嘅安排,Carl叔叔咁解釋︰「我份人怕悶嘛!」至於當事人Sherman就覺係將歷年來拍MV嘅苦況集結一起。「要走好多景我試過,要換好多衫有試過,要由朝跳到晚都試過,但幾樣挑戰集合在一起就真係第一次。」7個造型,懷舊中見新興提到MV中有多個造型,Sherman話服裝方面自己參與度高,同服裝指導Inggrad Shek花左唔少心思,造型上既有懷舊方向,亦有新興的元素。其中一套黃衫造型,明顯靈感來自李小龍《死亡遊戲》的Tracksuit,從中衍生出一種新格調。雖然由跳舞到襯衫都幾花時間,但Sherman話拍攝過程好有滿足感︰「咁艱難嘅定我地都做到喎,好切合首歌嘅主題,要堅持去做好每件事,更貼題係拍MV個日汗水都冇停過,實踐了《Be Water, My Friend》呢個歌名!」