羅力威搵側田做監製超開心 首次有樂隊陪拍MV齊齊Chok

羅力威︰「更興奮係當中有位金像獎得主!」羅力威作曲的新作《日落大道》以一輛高速公路行駛中的汽車,形容一段激情過後,變成以責任掛帥的感情關係,並以抒情搖滾方式,將這份困擾多時,進退失據的感情爆發出來。羅力威坦言好重視今次作品,因為一直想寫首Band Sound 情歌,寫demo時已經好有感覺,加上係廣東歌作品,對佢嚟講有一定挑戰性。平時做訪問好易口窒的羅力威,講返音樂就流利好多,佢仲話能夠同側田合作係超開心,事關向佢心目中對方係全能音樂人,創作時有好多新諗法。誓估唔到首次合作係用上歌手與監製的關係,羅力威話連錄音過程都好特別,佢分享道:「佢會唱住嚟監,所以當我唱緊時,耳筒會傳來Justin的歌聲,又夾雜錄音室的傾計聲,雖然有時感覺會好混亂,但真係好得意。特別係咩位要唱得內緊啲,呢方面佢俾好多啟發我。」至於MV,外景以一片綠油油的景致,配上悠長車路帶出大道的主題;至於廠景,導演就為羅力威揾嚟一隊Band,羅力威非常高興︰「係我入行以來,第一個MV可以同一隊Band合作,而且當中每位都係行內著名的樂手,無花無假,現場拍攝時大可以邊彈邊唱。」而更令羅力威興奮的,係四位樂手之中,有一位正是今屆香港電影金像獎最佳原創電影音樂得主之一,波多野裕介,他憑電影《七月與安生》同金培達分配此項殊榮。由於波多野裕介係導演朋友,於是揾佢嚟客串,喺不知情下遇到志同道合者,羅力威全程都表現興奮,仲即場同幾位交流創作心得,難怪羅力威未睇製成品,已坦言好滿意今次拍攝,「我覺得會拍得我好有型,又能表達當中的激情。」