除夕倒數年年有，點先夠特別？早前東方衛視請咗古巨基做跨年show嘉賓，佢哋仲特別為基仔打造咗一艘遊輪舞台「創新會場」，實行史無前例地喺黃埔江上倒數，迎接2018年。一開始，着住金色jacket嘅基仔從天而降落到燈光迷幻嘅遊輪舞台，大玩科幻feel。跟住又跳又唱重新編曲嘅一連串張國榮快歌《熱辣辣》、《無心睡眠》、《拒絕再玩》、《不羈的風》、《側面》medley，幾乎整個黃埔江都成為基仔嘅表演場地。最後基仔以《Monica》一曲作結來為跨年show作完美落幕。