上個禮拜播出嘅《鋒味》香港站，謝霆鋒、陳偉霆同小S（徐熙娣）就去咗滑水，睇到小S we嘩鬼叫流晒口水。今集三人繼續留喺香港，玩完水，梗係上番岸啦。今次霆鋒就帶住William同小S橫穿大街小巷，感受香港獨特嘅歷史風味。出發前，William好細心咁買咗香港地道特色美食－「菠蘿油」俾霆鋒同小S做早餐。之後仲同霆鋒一人一架復古單車踩住去接小S。面對兩個男神，die hard William fans小S依然夠定力，堅定不移咁揀咗上William架車，踩住單車穿梭香港街道，唔知以為翻拍電影《甜蜜蜜》，小S仲情不自禁咁哼起《甜蜜蜜》首歌o添。