新一年開始，張敬軒率先派了今年第一主打《缺》，齋聽歌名好多人以為係悲情歌，但實際上係首勵志歌。生命中好多時候出現嘅缺口其實係出口，在乎你點利用自己經歷過嘅挫敗，作為一個重新出發嘅起點。軒仔坦言希望借用《缺》這首歌，用音樂刻劃出身處逆境的人們所面對的種種毀滅性情緒，最終如何走出困局的起承轉合。來到MV，導演以”精神病院”呈現寂寞和悲哀嘅縮影，生活上有好多不同價值觀，看似瘋狂但其實只是對事情看法不同。MV借用張敬軒和舞者的誇張演繹方式，來代表著掙脫固有定律、勇敢去面對，從缺口中找到出口。所以，你會看到軒仔一時喺漫天飄雪嘅走廊狂奔，一時通山跑的場面，軒仔補充到:「當我地係低潮同考驗時，自己嘅情緒, 困難係會阻礙自己嘅決定，所以最重要係要清晰自己目標，知道自己做緊咩快啲走翻出去。」軒仔又講到監製《缺》這首單曲時，除需要日以繼夜透過電話、電郵與著名編曲家周國儀(Mac Chew)越洋溝通，歌曲本身更是軒仔唱過的studio album 中最高音，所以對自己都係一次難度挑戰!問到軒仔新一年俾左自己咩目標？佢即謂：「2017年對我係豐收嘅一年，我得到了人生的兩個榮譽學位，係好開心，傳統嚟講係文昌好旺嘅一年。2018 我會參與更多自己唱片嘅製作，同演唱會製作，因為6月會有自己個人演唱會，都好希望大家喺2014年演唱會之後，俾大家見到另外一位好唔同嘅張敬軒。」 The Making of《缺》MV (幕後花絮):https://youtu.be/RtkBbV9QPOc