由謝霆鋒主理，一連兩日於澳門美獅美高梅舉行的「美獅鋒味搖滾美食節」經過第一日一眾歌手包括：《中國好聲音2018》總決賽季軍的劉郡格、許靖韻、澳門新晉組合MFM、王灝兒（JW）、新加坡歌手董姿彥、組合Mr.等Rock爆澳門後，昨晚（2日）陣容加強，請來容祖兒及羅力威助陣。為配合搖滾主題，當晚羅力威以皮褸rocker造型上陣，並以觀眾熟悉的《雙子情歌》打頭陣，觀眾歡呼聲不斷，及後他再唱出三首自己作曲的作品：《星光》、《日落大道》及《變幻人生》，唱得興起的他更自爆上台前喝了一罐啤酒，雖然如此，但演出依然高水準，唱完第二首歌後更笑說：「可唔可以飲多一罐啤酒？」十分搞笑。而當祖兒出場前，霆鋒突然衝上台，原來他要親自介紹祖兒出場，令原本氣氛滿滿的現場頓時再度升溫，《隆重登場》前奏一響起，全場立即進入 瘋狂狀態，觀眾尖叫連連，祖兒跟六位dancer大跳勁舞，炒起全場氣氛，台下觀眾更邊跳邊唱，十分投入，唱完《隆》後，台下觀眾大叫：「你好靚呀！」祖兒隨即大笑：「我好靚呀？吹到成個癲婆咁都話靚呀？不過我幾鍾意呢個戶外嘅氣氛。」接着便唱出《悲觀生物學》及《心之科學》，最後以經典歌曲《痛愛》作結，唱到最後一句時，全場更來個大合唱。隨後，一身白色廚師服的霆鋒以《玉蝴蝶》、《潛龍勿用》等medley歌曲登場，旋即將氣氛推至高峰，唱完後霆鋒以多國語言包括：廣東話、英文、普通話、日文跟來自香港、澳門、廣州、汕頭、新加坡、馬來西亞等地的觀眾打招呼，並說：「好多謝有一個咁有型嘅環境俾我哋做一樣咁痴線嘅嘢！今日特別準備咗一首十七年冇唱過嘅歌。」然後便唱出《281公里》。之後霆鋒表示：「要多謝呢兩日來自世界各地嘅朋友、台前幕後嘅工作人員，好希望將呢個concert帶到世界各地，送上最後一首歌《活着VIVA》！」雖說是最後一首歌 ，但唱完後台下觀眾不肯離場，不斷喪叫encore，霆鋒亦順應要求，唱出《謝謝你的愛1999》，最後他更邀請八位鋒廚及美獅美高梅各大廚上台一起大合照，「美獅鋒味搖滾美食節」完滿結束。環顧兩天美食節，霆鋒都忙個不停，每日除了上台表演，台下的他亦會親自走到不同的美食攤位跟一眾鋒廚烹調美食。昨日他更即興走到台上，與正在打碟的DJ Corsak齊齊打碟，全場觀眾迅即high爆。