早前蔡卓妍（Sa）於「2019澳門國際電影節」及「澳門國際電視節」頒獎禮中，分別憑電影《非分熟女》及網劇《PTU機動部隊》奪得最佳女主角獎項。為慶祝成為雙料影后及視后，英皇集團主席楊受成博士昨晚（21日）舉行慶功宴，除了女主角阿Sa，英皇一眾藝人包括：容祖兒、任達華、陳家樂、泳兒、衛詩雅、吳浩康、湯怡、鍾舒漫、洪卓立、許靖韻、彭秀慧、曾樂彤、李靖筠、楊天宇、周家怡、何珮瑜、郭奕芯及林麗詩亦有出席。當晚阿Sa更帶同兩個獎座到場，雖然得獎距今已一個月，但她表示期間沒有慶祝活動，「今晚咪慶祝囉，大家都高興，心意知道就得，今晚慶祝，好耐都未試過咁多人。」得獎後的她依然努力工作，更透露將會到馬來西亞拍攝網劇，「預計都會好好玩，因為有阿嬌（鍾欣潼）、關智斌、Jeana（何佩瑜），都幾期待。同埋呢一個劇本，我覺得係近年自己睇過咁多劇本入面最好睇嘅一本，好期待，會留喺馬來西亞幾個月。」由於將要到馬來西亞投入拍攝，所以今年農曆新年會留港渡過，「會去老闆屋企賭錢，年年都一定要，以往斬獲都幾高、幾多㗎，老闆開心我哋開心。」而同場的好姊妹祖兒則於上週六順利完成「LOVE IN MACAU容祖兒音樂會」，不過原來開騷當日上晝她的喉嚨突然劇痛，「好彩我哋真係『藥箱都變成首飾箱』，有好多藥喺度，即刻啪咗粒喉嚨痛、發炎、感冒嗰啲（藥），頂到，呢兩日去咗針灸放血同埋刮沙，而家兩隻手都刮出啲火嚟，所以應該會好啲㗎啦。」至於早前的膝頭勞損傷患，祖兒表示仍處於康復狀態，「譬如我跳完舞就要即刻敷冰，敷完冰又要浸番啲熱水，令到佢血液循環，同埋盡量喺演出以外遠離高踭鞋，都唔好太大嘅work load。」另外，年初一便正式展開歐洲巡迴演唱會，首站是美國拉斯維加斯，向來跟祖兒形影不離的母親則留港湊B，祖兒說：「因為細佬啱啱生咗bb，佢都好想stay多啲時間同小bb收利是、拜年，同埋Mani會照顧佢、接濟佢呀，因為Mani逢初一、初二都大排筵席，會有發財蠔豉、鵝掌、花膠、海參，喺屋企我哋一定就冇咁多嘢食，所以我就交咗我阿媽俾Mani。」除此之外，傷癒近半年的任達華最近亦頻頻運動，狀態不錯，他更透露農曆新年後便正式投入工作，「而家身體情況好好，開始跳吓繩又跑得步，『keep moving, keep walking』繼續向前行。而家要選擇性做一啲運動，我好鍾意拎啞鈴，但係拎啞鈴就做唔到，因為膊頭都撕裂咗，所以慢慢嚟啦，我可以跑多啲步，過年後就會喺澳門同馬來西亞開始拍嘢。」