一直興趣多多的吳浩康 (Deep) 半年前愛上山地車，日前他第一次挑戰參加2020香港越野單車挑戰賽，更獲得挑戰壯年組亞軍。第一次參賽就奪得佳績令Deep自己都相當喜出望外：「其實真係無諗過會攞獎，仲要去到入山嘅路段，我行錯路，偏離咗賽道，令我兜咗個大圈，用多咗12分鐘時間，可能因為咁，我不停咁追，所以今次好多意外，亦都好多驚喜。」能獲獎絕非僥倖，Deep在比賽前一直接受地獄式訓練：「只要唔使工作，我平均每個禮拜抽時間練四日。三日In Door訓練，踩唔同嘅訓練機器，另外會有一日上山踩山路。其實好多時真係踩到嘔。之前去大嶼山技術訓練，因為自己經驗不足，所以都有受傷。估唔到咁樣訓練，就令我由完全唔識，去到玩比賽，所以辛苦訓練都係值得嘅，真係好多謝教練。」雖然要抽時間練習山地車，但Deep都主力把時間投放於音樂之中，現時他正忙於準備自己的新歌及拍攝MV，希望能盡快推出新作品，接下來亦有直播Live Show，忙碌工作中都不忘健康運動。