昨晚歌手吳浩康（Deep）、洪卓立（Ken）及曾樂彤聯同音樂平台KKBOX及谷Live舉行「2場．THX」Facebook Live的第一場Live Show。一開始便以Deep的《孩子王》打頭陣，不過正式開Show前，Deep在綵排《孩子王》時，曾樂彤突然Dancer上身，在台下手舞足蹈，而台上的Deep則只好閉眼忍笑繼續唱，而站在一旁的Ken則緊握拳頭向着曾樂彤，期間工作人員掟出小膠鎚企圖阻止「演出 」，雖然被突襲，但曾樂彤愈跳愈起勁，其獨特舞姿引得全場工作人員大笑。唱完歌後，Deep笑說：「你跟隨音樂跳舞嘅肢體語言，好似《金雞》入面嘅吳君如打醉拳。」曾樂彤聽後亦十分配合大耍醉拳，十分搞笑。Live Show中他們除了唱出各自的新歌，如Ken的《喜劇收場》、曾樂彤《找到一個人》及Deep《愛沒懷疑》， 更合唱《小酒窩》、《我可以說不 + 傻瓜》、《每一個明天》等。除了唱歌，三人亦大玩小遊戲，在「快問快答」環節，曾樂彤問到Deep及Ken「三角泳褲／平腳泳褲」時，Deep第一時間答：「三角！平腳點出嚟蒲呀。我覺得平腳個樣唔好睇啫，哈哈。」而Ken則問男着還是女着；當問到「Sa／Gil」這個難題時，Deep表示選阿Sa，「我哋個同事『阿Sa』喺度呀。」Ken亦腦筋急轉彎，「我助手啱啱改名叫阿嬌，我揀阿嬌。」輕易過關。之後的IQ題，第一題「檸檬荼最快變成凍檸茶嘅方法？」，不過曾樂彤還提未問，Ken已經說出答案：「兩蚊！兩蚊！加兩蚊。」Ken接着說：「知唔知點解我知吖，因為我哋喺公司傾rundown時，同事唔小心將答案寫晒出嚟，我就睇到呢題。」Deep大讚：「做得好好喎。」第二題「魚蛋粉有魚蛋、牛腩粉有牛腩，咁乜嘢粉有雪糕？」Deep思考了一秒，「Seven。」秒速K.O.；去到第三題，「咩毛係最⋯⋯」曾樂彤話音未落，Deep和Ken異口同聲大叫：「Normal！」令曾樂彤大叫冇癮。節目完結前，三人也不忘呼籲大家要注意清潔及衛生，同時預告下星期第二場「2場．THX」除了繼續有Deep坐陣，更會請來多位嘉賓齊齊唱歌兼跟網民互動玩遊戲。