冒嚴寒露膊拍MV 阿Sa初演幽靈無有怕

蔡卓妍(阿Sa)雖然要周圍飛演出、拍劇、拍廣告,但中港兩邊忙過不停的她卻越做越起勁,還趁著情人節,特別於後日(2月10日)推出情人節single《Sweetest Day》CD+DVD,與歌迷一同分享甜蜜!《Sweetest Day》除了收錄2首新歌《年年》及《大人國》, 還有《年年》MV與及15首阿Sa的karaoke MV包括《簡簡單單》、《放得低》和《二缺一》等,齊齊跟阿Sa過一個浪漫情人節。 阿Sa拍攝《年年》MV當日正掛著寒冷天氣警告,雖然在室內拍攝,但她只穿上tube top和單薄的連身裙拍攝CD封面和MV,還要躺在冰冷的地板上,工作人員都擔心她太冷會著涼,可是阿Sa在鏡頭前表現非常專業,更為了更佳拍攝效果而主動提出以tube top上陣,露出性感香肩和小蠻腰!備受潮流界讚賞的她又發揮創意,即席將傘裙裙擺放上頭變做頭紗,再加上美白的燈光,若隱若現充滿朦朧美,拍出來的效果就連攝影師都大讚,阿Sa謂:「估唔到出到嚟效果咁好,唔需要太過花巧,簡簡單單已經好靚,好似呢隻碟名《Sweetest Day》咁,無論情人、家人或朋友,只要對方做咗一啲令你甜在心嘅事,都已經係一個自訂嘅《Sweetest Day》。」 阿Sa在MV中跟高大有型的男主角有額頭貼額頭和從後擁抱的親密鏡頭,起初男主角見到阿Sa表演得有點害羞,沒想到導演一roll機他便立即投入,按導演要求一take過哭出來,事後阿Sa表示:「開頭我仲擔心大家第一次見就扮情侶會有啲生硬,點知佢話喊就喊,我同佢額頭貼額頭都俾佢搞到眼濕濕!」雖然今次在MV中飾演已離世的靈魂,但阿Sa稱自己百無禁忌:「離開咗呢個世界但仍然深愛住對方,『人鬼情未了』都係一種浪漫嘅愛情,感覺仲更加悽美添!」