陳偉霆夥大S現身廣州天梭錶活動 影迷逼爆會場同分享母親節感人故事

即將投入內地3D電影拍攝的陳偉霆(William),日前出發到廣州與大S現身天梭錶母親節活動,近來頻頻出席各大品牌活動「掘金」,心情興奮至極! William以一身Hugo Boss西裝上台,一出場便令全場粉絲起哄,全部吶喊偶像名字兼逼爆新店外圍,令William非常驚喜!大會舉辦了母愛微博圖文大賽,得獎母女的故事令William有感而發:「得獎作品係張同媽媽手牽手o既相,令我想起我以前都成日拖住媽咪行街,但係近幾年好忙無時間好好陪佢,好感激媽咪無投訴、默默支持我!」另外William母親節正日亦要到內地工作,所以要提早買定禮物,他謂:「我會揀樣媽咪成日見到又用到o既禮物,加埋我個熱情kiss一大個就夠晒數啦哈哈!」