洪卓立感觸流下男兒淚

洪卓立(Ken)早前為其新歌《一夜城》拍攝MV更一時感觸落下男兒淚!其實Ken早在其年初舉行的個人音樂會上已首次公開演唱這首歌,不少歌迷聽後都覺得《一》充滿《彌敦道》的影子,視之為延續篇。 由於歌曲內容是描寫一對情侶分手的慘情故事,因此導演特別安排一位model, Twiggy擔任MV女主角,其中一幕二人在街頭玩雪,好不浪漫!Ken在MV中首次嘗試擔任上班族,對著電腦做戲的他被同事取笑說:「淨係對住部電腦都好chok!」為了製造浪漫氣氛,導演在街頭放置了一部人造雪機,事前得知會有落雪場面的Ken表示十分興奮:「我好鍾意冬天,尤其是落雪俾人感覺好浪漫,但因為香港唔會落雪,所以每次見到落雪都會好開心!」不過拍攝當日天氣已經開始熱,泡沫落在Ken和Twiggy頭上反而搞到「立痴痴」,二人在鏡頭前又要扮享受,難怪Ken苦笑謂:「希望下次拍MV可以去落雪嘅地方,感受下真正嘅浪漫氣氛!」 由於故事裡的女主角跟阿Ken在咖啡屋相遇,Ken不時到咖啡屋飲咖啡,所以在這短短一晚內足足飲了8杯咖啡,Ken更笑謂: 「咁大個仔,都未試過一晚飲咁多!不過都好可以提提神!」 拍攝當日Ken連拍2個MV由一朝早拍至深夜,可能喝太多咖啡吧!仍見他精神飽滿,其中一幕Ken更投入到忍不住落淚!導演見狀未有即時喊cut,還覺得這一幕真情流露跟歌曲很配合,待Ken伸手拭淚後才cut機。問Ken為何突然如此感觸?他說:「呢首歌係講一對戀人分手後,仍然放唔低對對方嘅感情,就算身處鬧市更覺得寂寞。我錄嘅時候已經被曲同詞感動,多謝作曲嘅張佳添同填詞嘅林若寧,雖然首歌好慘,但我自己好鍾意,希望歌迷都會鍾意!」