王祖藍Show Off Show咪咁扮嘢演嘢會II 優先訂票開展

去年,《「咪咁扮嘢」王祖藍演嘢會》場場爆滿,叫好叫座!王祖藍在舞台上唱、跳、演、玩、棟篤笑共冶一爐,超過兩小時的密集式爆笑瞓身演出,全城喪Like,片段更熱爆互聯網,點擊次數超過百萬,哄動全球網民!挾著全球關注的超強氣勢,王祖藍將於2011年8月19及20日,再度假灣仔伊利沙伯體育館,舉行兩場比「咪咁扮嘢」更扮嘢、比「超級爆笑」更爆笑、比「瞓身棟篤」更棟篤的全方位個人忘我匯演大挑戰 —《王祖藍Show Off Show咪咁扮嘢演嘢會II》! 是次演嘢會,王祖藍將會以「愛」作為主題,誓言再度絞盡腦汁、毫無保留、傾盡全力、有愛話愛、有情講情,徹底玩盡初戀、熱戀、失戀、明戀、暗戀、痴戀、求婚、結婚…更會將自己完完全全擺上檯,盡地一鋪,任玩唔嬲,務求施展渾身解數,保証分分鐘有血有汗,秒秒鐘有笑有淚,絕對係挑戰個人舞台演出極限!談到會否邀請嘉賓,祖藍則大賣關子:「而家Call緊親朋密友做嘉賓,有『女』有『男』,總之嚟得嘅都有驚喜!我仲會隨時會拉埋觀眾上台,同我一齊Totally Show Off!」 另外,是次演嘢會的宣傳海報,比去年亦玩得更癲更喪更盡!是次祖藍不再以女裝出場,改以滿面鬍鬚、頭戴荊棘的超爆笑造型,扮成史上最Man最好玩的救世主,眼角配上極度誇張的大滴眼淚,然後擘大口高呼:「我要嫁俾耶穌!」,創意爆燈,非常搞鬼之餘,更代表是次演嘢將會再度在今年暑假,為全港觀眾帶來一場笑中有淚、有玩嘢、有內涵的心靈褔音! 總之,王祖藍將會繼續發揮「咪咁扮嘢」精神,盡情扮鬼扮馬、扮哩扮嚕、扮男扮女、扮笑扮喊!一場祖藍獨門超扮嘢演嘢會,《王祖藍Show Off Show咪咁扮嘢演嘢會II》,勢必成為今個暑假全城最爆最喪話題作!由6月13日至17日期間,Visa/MasterCard/中國銀聯卡卡戶/PPS用戶,更可致電28 611 611尊享優先訂票服務;欲免向隅,請各位咪咁扮嘢,齊齊火速購票!