四位型男陳偉霆、洪卓立、BOYZ現身廣州倒數活動 久未一同慶祝新年格外難忘

近日忙於不停出席頒獎禮的陳偉霆、洪卓立、BOYZ (關智斌,張致恆),日前出發到廣州現身大型戶外倒數活動,近來頻頻出席各大活動「掘金」,難怪心情興奮至極!關智斌(Kenny)表示:「我哋四個真係好多年無試一齊過除夕,而且一踏入新年我同Steven就要去北京拍戲,今次一大班同事工作中渡過我特別開心,新年願望希望年年都係咁過!」張致恆(Steven)最驚喜是在樓高三層的舞台演唱 ”Ready to go” :「多謝大會咁重視我哋!我腳軟都頂硬上,全程唔向下望,先跳到舞咋哈哈!」 William以deep V西裝上台,聯同dancers以快歌會觀眾,令全場氣氛升溫,加上William首度以全男班陣容演繹 ”Baby Don’t Cry”,效果非常驚喜!William謂:「今次排舞時間破晒自己紀錄,原本預定淨係自己跳,見到個舞台咁大我即場同dancers自度新版本,45分鐘排好晒我都好意外!」另外洪卓立在2011年裡每月也到內地登台,賺到可觀「人仔」,所以新年願望鎖定大陸市場,他謂:「我今年目標買到第一層樓,好幸運內地歌迷咁接受我,一定要努力拍劇同出國語碟,必要時搬去住一段時間都無問題。」